Көкшетаулықтар ескі зират аумағынан адам сүйектерін тауып алған
Көкшетаулықтар ескі зират аумағынан пакетке салынған адамның сүйектерін тауып алды. Олардың шақыруымен оқиғаға орнына полицейлер барды, деп хабарлайды ҚазАқпарат тілшісі.
Ведомствоның мәліметінше, 24 сәуірде Көкшетау қалалық полиция басқармасына облыс орталығының тұрғыны хабарласып, «Бармашино» шағын ауданындағы аллея маңында, ескі зират аумағында адамның сүйектері және бас сүйегінің сынықтары салынған пакет табылғанын айтты. Тұрғындар пакетті зират аумағын тазарту кезінде көрген.
«Шақырту орнына жедел-тергеу тобы барды. Тексеру кезінде сүйек қалдықтары табылды. Сот-медициналық сараптама тағайындалды, соның қорытындысы бойынша түпкілікті процессуалдық шешім қабылданады», - деді ҚазАқпарат тілшісінің сауалына ведомствоның баспасөз қызметінен.
Айта кетсек, бұдан бұрын Ақмола облысында суға батқан балықшының денесі табылғанын жазған едік.
