Атырауда айыппұлын төлемей жүрген жүргізушілерден 16 млн теңге өндірілді
![Атырауда айыппұлын төлемей жүрген жүргізушілерден 16 млн теңге өндірілді](/image/stub.png)
Атырауда айыппұлын төлемей жүрген жүргізушілерден 16 млн теңге өндірілді, деп хабарлайды ҚазАқпарат тілшісі.
Облыстық полиция департаменті баспасөз қызметінің ақпаратына сүйенсек, 7 маусымнан бері «Борышкер» жедел профилактикалық іс-шарасы өтіп жатыр.
«Атырау қаласының аумағында жыл басынан бері айыппұлын төлемей жүрген жүргізушілер анықталып, ҚР Әкімшілік құқық бұзушылық туралы кодексінің 785-бабына сәйкес 800-ден астам автокөлік арнайы тұраққа қойылды. Автокөлік жүргізушілерінің төленбеген 30 млн теңгеге жуық айыппұлы бары анықталды. Ал 7 маусымнан бері өткізіліп жатқан «Борышкер» жедел профилактикалық іс-шарасы аясында 400-ге жуық көлік жүргізушісінен 16 млн теңгеден астам айыппұл өндіріліп алынды. Айыппұлы төленбегені үшін 287 автокөлік арнаулы тұраққа жеткізілді», -деп хабарлады департаменттің баспасөз қызметі.
Еске сала кетелік, бұдан бұрын Атырауда айыппұлын төлемей жүрген 134 борышкерден 2 млн теңге өндірілгенін хабарлаған едік.
Атырау қалалық полиция басқармасының учаскелік полиция инспекторлары 30 мамырдан бері айыппұлын төлеуден жалтарып жүрген 134 тұрғынды анықтады. Олардан жалпы 2 млн 72 мың 189 теңге көлемінде айыппұл өндірілді.
«Қазір айыппұл төлеу әдісі жеңілдеді. Айыппұлды электрондық үкімет порталының көмегімен онлайн режимінде, екінші деңгейдегі банктердің есеп айырысу-кассалық бөлімшелерінде, сондай-ақ мобильді қосымшалар арқылы төлеуге болады. Осы орайда Атырау қаласының тұрғындары мен қонақтарын әкімшілік құқық бұзушылық жасамауға, ал егер құқық бұзушылық тіркелген болса, әкімшілік айыппұлды уақытында төлеу қажеттігін ескертеміз», - деп мәлім етті департаменттің баспасөз қызметінен.
![Футбольный клуб 'Кайрат' столкнется с сильными соперниками на турнире в Катаре](/storage/news/news_8/content/77ba922a7153e69614c2696d03df2247.jpeg)
![Фанаты "Барыса" получили негативные известия](/storage/news/news_9/content/894e85af4a81fee5581284b173d8de7b.png)
![GTA VI впервые покажут уже в декабре](/storage/news/news_10/content/0f3617646441be5001798ee92b7f5304.jpg)
![Дану Уайта угостили куртом в Нью-Йорке](/storage/news/news_11/content/6b8f066a857c9b077df125a9f335fd1a.jpg)
!["Золото в серебре" : 16-летняя казахстанская спортсменка дважды победила на чемпионате мира по джиу-джитсу](/storage/news/news_12/content/436157d8a12238a4b7bb912aebc1bb8e.jpg)
![Димаш Кудайберген обратился к сборной Казахстана по футболу](/storage/news/news_13/content/bc8a6eae0f23d162f30b91a3d7c47f59.png)