Қарағандыда 85 жастағы кейуана өз ұлын өлтірді деген күдікке ілінді, - деп хабарлайды Alashainasy.kz тілшісі Оrda.kz-ке сілтеме жасап.
Сәуір айының соңында полицейлер 50 жастағы ер адамның денесін марқұмның пәтерінен тапқан. Марқұмның анасы мәйіттің жанында болған.
«50 жастағы ер адамның мәйітінен зорлық-зомбылықпен өлім белгілері табылды. Мәйіттің жанында оның 85 жастағы анасы болған. Анасы мен баласы полицияда есепте тұр. ҚР Қылмыстық-процестік кодексінің 201-бабына сәйкес өзге де мәліметтер жария етуге жатпайды» деп хабарлады Қарағанды облысының полиция департаментінен.
Қылмыстық істің тергеуі Қылмыстық кодекстің 99-бабының 1-бөлігі «Адам өлтіру» бойынша жүргізілуде. Полицейлер қылмыстың себебін анықтауда.