Өскеменде құрбылары жабыла сабаған қыздың ісіне қатысты сот үкімі шықты
![Өскеменде құрбылары жабыла сабаған қыздың ісіне қатысты сот үкімі шықты](/image/stub.png)
2023 жылы 5 шілдеде мамандандырылған ауданаралық сот Өскеменде оқушы қызды жабыла соққыға жыққан кәмелетке толмаған сотталушыларға қатысты үкім шығарды, - деп хабарлайды Alashainasy.kz тілшісі Zakon.kz-ке сілтеме жасап.
Соттың баспасөз қызметі 2023 жылдың 1 наурызында "АДК-Ривер" сауда ойын-сауық орталығында кәмелетке толмағандар - Т. және О. алдын-ала сөз байласып, кәмелетке толмаған жәбірленуші Д-ға дене жарақатын келтіргенін нақтылайды.
"2023 жылы 2 наурызда кәмелетке толмағандар - Т. және А. өзара сөз байласып, кәмелетке толмаған жәбірленуші Д-ның бетіне, денесіне бірнеше рет соққы береді, ары қарай күш қолдану арқылы адамның қадір-қасиетін қорлау мақсатында жәбірленушіні іш киімін шешуге мәжбүр етті және болып жатқан жайтты телефон камерасына түсірді. Сотталғандар өз әрекеттерін 50 мың теңге талап еткен А. және Т-ға беру үшін түсірілген видеоны интернетте саламын деп қорқытып, ақша таппақ болған ниеттен туындағанын жеткізді"- деп мәлімдеді ШҚО кәмелетке толмағандар ісі жөніндегі мамандандырылған ауданаралық сотының баспасөз қызметі
Сотталушы А. мен Т. ақша бопсалағандарын мойындамады, кінәні ішінара мойындады. Айыпталушы О. кінәсін толық мойындады.
Сондай-ақ сотталушылардың кінәсі жәбірленушінің, куәгерлердің айғақтарымен, бейнежазбалармен, заттай дәлелдемелермен расталғаны айтылады.
Сонымен қатар, сот O-ның шын жүректен өкінш білдруі және кінәсін мойындауын жеңілдететін жағдайлар деп таныды.
Сотталушылардың аса қатыгездікпен, садизммен, қорқыту-үркітумен, сондай-ақ жәбірленушіні азаптау сипатындағы қылмыстық құқық бұзушылықтары қылмыстық жауаптылығы мен жазасын ауырлататын мән-жай ретінде танылды.
"Істің мән-жайын және сотталушылардың жеке басын, жәбірленушілердің пікірлерін, құқыққа қайшы әрекеттердің сипатын, залалды өтеудің орындалмауын ескере отырып, А. мен Т-ға қатысты ҚР ҚК 293-бабы 2-бөлігі 1-тармағының бойынша 1 жыл бас бостандығын шектеу, ҚР ҚК 194-бабы, 2-бөлігі 1,2-тармағы бойынша 3 жыл мерзімге бас бостандығынан айыру түрінде жаза тағайындады, сонда түпкілікті жаза - 3 жыл бас бостандығынан айыру. О-ға 1 жыл мерзімге бас бостандығын шектеу түрінде жаза тағайындалды" – деп хабарлайды ШҚО кәмелетке толмағандар ісі жөніндегі мамандандырылған ауданаралық сотының баспасөз қызметі.
Жәбірленушінің пайдасына 9 000 000 теңге сомасында моральдық залады өтемақы өндірілді.
Сот үкімі заңды күшіне енген жоқ.
![Футбольный клуб 'Кайрат' столкнется с сильными соперниками на турнире в Катаре](/storage/news/news_8/content/77ba922a7153e69614c2696d03df2247.jpeg)
![Фанаты "Барыса" получили негативные известия](/storage/news/news_9/content/894e85af4a81fee5581284b173d8de7b.png)
![GTA VI впервые покажут уже в декабре](/storage/news/news_10/content/0f3617646441be5001798ee92b7f5304.jpg)
![Дану Уайта угостили куртом в Нью-Йорке](/storage/news/news_11/content/6b8f066a857c9b077df125a9f335fd1a.jpg)
!["Золото в серебре" : 16-летняя казахстанская спортсменка дважды победила на чемпионате мира по джиу-джитсу](/storage/news/news_12/content/436157d8a12238a4b7bb912aebc1bb8e.jpg)
![Димаш Кудайберген обратился к сборной Казахстана по футболу](/storage/news/news_13/content/bc8a6eae0f23d162f30b91a3d7c47f59.png)