Бішкек тұрғыны қазақстандық әйелді өлтіргені үшін сотталды
Бішкек тұрғыны әйелді өлтіргені үшін жалпы режимдегі колонияда 10 жылға бас бостандығынан айырылды. Әйел оған 3800 доллар қарыз болған, - деп хабарлайды Alashainasy.kz тілшісі Zakon.kz-ке сілтеме жасап.
Сол күні Қазақстан азаматы досы Айгүлге телефон соғып, әйел оған 3800 доллар қарыз болғандықтан, онымен кездесу ұйымдастырады, деп хабарлайды Kaktus.media.
Алайда, жиында Айгүл қарызды қайтарудан бас тартты. Содан Тимур әйелдің пәтеріне кіріп, сол жерде олар жанжалдасып қалады. Осыдан кейін ер адам әйелдің аузын жейдесімен жауып, қонақ бөлмеге сүйреп кіргізіп, Айгүлді қылқындырып тастаған. Ол бірден есін жоғалтады.
Кейін Тимур ас үйге барып, тұрмыстық пышақты алып, әйелдің мойнына екі рет пышақ сұққан. Айгүл есін жимай қайтыс болды. Ол өлтірілген әйелдің пәтерінен оның телефоны мен 4500 долларын ұрлап кеткен.
Алғашқы екі инстанциядағы сот ер адамды 10 жылға бас бостандығынан айырды. Жәбірленуші тараптың өкілі кассациялық шағым түсіріп, бірінші және апелляциялық сатылардағы сот үкімдерінің күшін жоюды сұрап, Тимурдың асхана пышағымен әйелдің тамағын кесіп, ерекше қатыгездікпен қасақана өлтіргенін түсіндірді.
Жоғарғы сот алқасы Октябрь аудандық соты мен Бішкек қалалық сотының үкімін өзгеріссіз қалдыру туралы шешім қабылдады.
