Астанада күдікті ер адамды өлтіріп, автобусқа мініп кетіп қалған

6 тамызда түс ауа Уәлиханов көшесінен "Артем" сауда үйі маңында ер адамның мәйіті табылды, - деп хабарлайды Alashainasy.kz тілшісі Tengrinews.kz-ке сілтеме жасап.

Елордалық полицияның жеке құрамы бірден қылмыскерді іздеуге жұмылдырыған. Екі ер адамның арасында кикілжің туындап, соңы төбелеске ұласқаны анықталды. Төбелеске қатысушылардың бірі екіншісін жерге құлатып, пышақтап, қашып кеткен. Жәбірленуші сол жерде қаза болған.

"Қылмыс куәгері полицияға күдіктінің қай бағытқа қашып кеткенін көрсетті. Жедел басқару орталығының қызметкерлері оның автобусқа мінгенін анықтап, іздеу бағатын нақтылаған", - деп хабарлады Tengrinews.kz тілшісіне елордалық Полиция департаментінің баспасөз қызметі.

Нәтижесінде күдіктіні патрульдік полиция қызметкерлері Лесозавод ауданында ұстады. Ол уақытша ұстау изоляторына қамалды. Соталды тергеу басталды, қажетті сараптамалар тағайындалған.

Астана Полиция департаменті қылмыскерді табуға көмектескен елорда тұрғындарына алғысын білдіреді.

Соңғы сағатта көп оқылған жаңалықтар осында Massaget.kz