Теміртауда әлеуметтік желіде танысқан 15 жастағы қызды жабыла зорлаған екі жас жігітке шартты түрде жаза кесілді.
Теміртау прокуратурасының хабарлауынша, айыпталушының әрқайсысы 5 жылға шартты түрде сотталған. Олардың мұндай жазаға кесілуіне зардап шегуші де келісім берген. Алайда үшінші айыпталушыны оқушы қыз кешірмеген. Ол қылмысқа белсене қатысқан. Оның әрекетіне қатысты сот әлі жалғасып жатыр.
Теміртау прокурорының орынбасары Еркін Жалмағамбетовтың айтуынша, жас жігіттерге қарсы қозғалған қылмыстық іс процессуалды прокурордың қатаң бақылауында болған.
Іс материалы бойынша қыз жас жігітпен әлеуметтік желі арқылы танысып, кездесе бастаған. Екі ай өткен соң ол жігіт қызды досының пәтеріне қонаққа шақырған. Ол жерде спирттік ішімдік ішкен соң бес жігіт қызды зорлайды. Зардап шегушінің айқайы естілмес үшін, олар музыканың дауысын қатты шығарып қойған. Ақырында көршісі полиция шақырады.
Оқиға орынына келген полицейлер жарты сағат бойы есік қағады. Ал жігіттер болса жарықты, музыканы өшіріп үйде ешкім жоқ секілді тып-тыныш отырып алады. Сосын полицейлер кетіп қалады. Одан соң учаскелік инспектор келген. Ол да аша алмай кетіп қалған соң, қызды тағы да зорлайды. Содан соң барып оны босатқан. Олардың бірі қызға жыныстық ауру жұқтырған. Сондай-ақ, дәрігерлердің айтуынша ол көп қан жоғалтып қойған. Зардап шегуші Теміртаудағы орталық ауруханадағы тері-венерологиялық бөлімінде ем қабылдаған.
Күдіктілердің үшеуі сот алдына келіп, екеуі бой тасалаған. Бірақ, тәртіп сақшылары кейін ол екі күдіктіні де қолға түсіріпті.