Жаз өткелі бері жайқалған жасыл желектер мен жеміс-жидектер де көзден бұлбұл ұша бастады. Енді жылыжайлардың дәурені басталады. Яғни күздің қара суығы мен қыстың қақаған аязына қарамастан, өсімдіктер мен түрлі көкөністерді жылыжайда өсіру жұмыстары қарқын алады. Бірақ осы жылыжайды кім ойлап тапты екен және оның жұмыс ерекшелігі қандай?
Нұржан САҒЫНДЫҚ, Ақтау
Жылыжайларды кім ойлап тапқанын түсіну үшін шамамен, осыдан бес мың жыл бұрынғы уақытқа сапар шегу керек. Тап сол кезде Қытайда өсімдіктер үйде өсіріле бастаған. Бай адамдар бір-бірін таңғалдыруға тырысып, ең сирек және қымбат өсімдіктерді сатып алған. Олардың көпшілігін тропикалық аймақтардан әкелген. Өсімдіктер ерекше күтімді қажет еткен: көп жылу, күн сәулесі, ылғал керек болған. Содан ежелгі римдіктерге жылыжай салу туралы ой келген. Ол ішінен жылытылып, ал шатыры шақпақ тастан жасалынған. Шақпақ тас жылуды сыртқа жібермеген және барлық өсімдіктерге өте қажетті күн сәулесін ішке жақсы өткізген.
Бүгінде жылыжайлардағы жұмыстың бәрін компьютер атқарады. Ол әрбір өсімдіктің қажеттілігін ескере отырып, қажетті климат пен температураны қамтамасыз етеді. Ауаны ылғалдандырады, суғарады, тіпті өсімдіктер мен көкөністерді түр-түрімен сұрыптайды. Ал компьютердің жұмысын жылыжай қызметкері бақылап отырады.
Жылыжайды кім ойлап тапқан?
Последние статьи автора