Жыландар ести ме?

Бауырмен жорғалаушылардың төресі жыланның құлағы жоқ қой. Дегенмен олар дыбыс ести ме?
Еркін ТАСБОЛАТ, Ақтау
Шығыс әпсанасы бойынша жыланды сы­бызғы, қурай тектес үрмелі аспаптың үні­мен иіріп әкетуге болады. Соған қарап, олар­дың музыкаға елитіндей есту қабілеті нә­зік деп ойлауға болады. Шындығында, олай емес. Жыландар мүлдем естімейді. Олар өзге тұрмақ, өзінің де дыбысын есті­мей­ді. Жылан атаулыға тән шырылдау, тіп­ті улы жыланның ысылдауы – олардың ес­кер­туі.
Дегенмен Жаратушы есту қабілетінің жоқ­тығының орнын көзінің төмен жағын­да­ғы екі терең жарғақпен толтырған. Олар құлақтың орнын алмастырып тұрған жы­луға, яғни инфрақызыл сәулеге өте әсер­шіл келеді. Қоршаған ортадан бірнеше гра­дус температураға жоғары затты се­зе­тін жарғақтары жүйке талшықтарымен жал­ғасқан. Оның үстіне бұл мүшесі тек жылу сәу­лесін ғана қабылдамайды. Олардың те­реңіректе орналасуы жылудың келіп тұрған бағытын да айқындауға мүмкіндік береді.