Өзге елдерде жыланның етін тамаққа пайдаланады. Әсіресе, Қытайда болғанымда ондағылардың жылан етінен неше түрлі тағамдар жасайтынын көргенмін. Өздері жыланның еті адам ағзасына пайдалы екенін айтады. Осы рас па? Жылан еті қандай ауруларға пайдалы?
Есен ӘЛІМҚҰЛОВ, Алматы қаласы
Сіздің сұрағыңыздан кейін біз мамандардың пікіріне жүгінген едік. Мамандардың сөзіне қарағанда, жыланның адам денсаулығына пайдасы өте зор екен. Жылан етінен жасалған тамақ, шынында да, ағзаны суықтан арылтып, буын ауруларынан, басқа да сырқаттардан сауықтыратыны анықталған. Оның қаншалықты пайдалы екенін филиппиндіктер, қытайлар, Тайланд, Сингапур мен Малайзия халқы жақсы біледі. Ол елдерде жылан фермасы да бар. Француз дәрігерлері жылан етінің обыр (рак) ауруына да таптырмас ем екенін анықтады. Бірақ ем болу үшін жылан етін жүгері майына қуыру керек деседі. Алдымен кесілген жылан етін табаға салып, жүгері майына әбден шыжғырып қуырады. Содан кейін ауру адамға қуырылған жылан етін бес күн қатарынан түс мезгілінде аш қарынға жегізіп отыру керек. Емделетін күні түске дейін нәр татпағаны дұрыс. Қуырылған жыланды жеп болған соң, екі сағаттан кейін ғана ет пен жұмыртқадан басқа тағамдарды жеуге болады.