Жүкті әйелдерге дәрі-дәрмек тегін

Мен жүктілігіме байланысты демалыста отырмын. Дәрігерлерге тегін тексеріліп жүрмін. Естуімше, жүкті келіншектерге дәріхана­лардан да тегін дәрі-дәрмек беріледі дейді. Сол рас па?
Бибігүл МӘУЛЕНОВА, Ақтөбе облысы
ҚР «Халық денсаулығын қор­ғау ту­ралы» Заңға сәйкес, жүкті әйелдер тегін медициналық жәр­дем­­нің кепіл­ді мөлшері аясында тұрғылықты ме­кен­­жайына тәуелсіз түрде тегін кеңес алуға, қаралуға, емделуге және диспансерлік бақы­лау­дан өтуге құ­қылы. Сондай-ақ осы заңда екіқабат әйелдердің те­гін дәрі-дәрмекпен қам­та­ма­сыз етілетіні көрсетілген. Бірақ олар Үкіметтің қаулысымен бе­кі­тілген тізім бойынша беріледі. Дәріхана мамандары препараттарды әйел репродукциясы мен сәби ден­сау­лығына қауіп төндірерлік ауру түрлерін амбулаторлық деңгейде ем­деу мақсатымен дәрігер жазған рецепт арқылы ғана тегін бере алады. Бұдан басқа дәрі-дәрмектер мен биоактивті қоспалар ақылы.