Жүк көліктерінің жолда жүруіне қанша салмаққа дейін рұқсат етіледі?

Қазір республикалық тас жолдарда жүк көліктеріне қатысты талап өзгеріп жатыр ғой. Менің «КамАЗ» жүк көлігім үш білікті, тіркемелері бар. Олар үшін жолда рұқсат етілген салмақ қанша болуы керек?
Николай, Астана
ҚР Көлік және коммуникация ми­нистр­­лігі мамандарының мәліметінше, Қазақ­стан Республикасының автомобиль жол­дарымен жүруге арналған көлік құрал­дарының рұқсат етілген пара­метрлері ҚР Үкіметінің 2002 жылғы 19 ақпандағы №62 қаулысымен бекітілген. Белгіленген өлшемдер ТМД-ға қатысушы мемле­кеттердің автомобиль жолдары­мен тасымалдауды жүзеге асыратын көлік құ­ралдарының салмақтары мен көлемдері жөніндегі келісіміне сәйкес. Бұл құжатқа сәйкес, үш білiктi тіркемесі бар үш білікті жүк автокөлігіне жолда салмақты 42 тоннадан асыруға болмайды. Толық мәліметті www.transportcontrol.gov.kz веб-сайтынан ала аласыз.