ЖШС-нің жарғылық капиталын құру тәртібі қандай?

Бізде жауапкершілігі шектеулі серіктестіктің (ЖШС) басты жарғылық капиталын құру тәртібі қандай?
Келбет, шымкенттік студент
ЖШС-нің жарғылық капиталы оның құрыл­тай­шыларының салымын біріктіру негізінде құрылады. Са­лымдар ақша, құнды қағаздар, заттар, мүліктік құқық, сонымен қатар жер телімін пайдалануға және санаткерлік қызмет нәтижесіне деген құқық түрінде болады. Салым ретінде жеке мүліктік емес құқық пайдаланылмайды. ЖШС-ні тіркеткенге дейін құрылтайшылар белгіленген жарғылық капи­талдың жалпы сомасының 25 пайызын енгізуі тиіс. Ал ортақ жиынның шешімімен бекітілген мерзімде ЖШС құруға қатысушылардың барлығы өз са­лымын толықтай өткізуі керек. Бұл мерзім, не­гізінен, ЖШС тіркелгеннен кейінгі бір жылдан ары ас­пауы қажет.
Мәселен, егер жауапкершілігі шектеулі се­рік­тестік шағын кәсіпкерлік субъектісі болып табылса, он­да оның жарғылық капиталы 100 теңгені құраса да болады.