ЖОО-лар қауымдастығының міндеті қандай?

Қазақстандық ЖОО-лар қауымдастығы қашан құрылған? Оның мақсат-міндеттері қандай?
Сәуле Орынтайқызы, Алматы облысы
Еліміздегі Жоғары оқу орындары қауымдас­тығы 2002 жылдың ақпан айында құрылған заңды тұлғалар­дың бейкоммерциялық ұйымы саналады. Қазіргі таңда қауымдастықтың құрамына еліміздің 86 пайыздан астам студенттері білім алатын, арнайы аккредитациядан өткен, әр деңгейдегі 80 жоғары оқу орны кіреді. Қа­уымдастық міндеті – әлемдегі дамыған елдердің бі­лім беру деңгейіне жауап бере алатын отандық білім сапасын көтеру. Қауымдастық қазіргі уақытта көптеген бағыт бойынша жұмыс істейді. Оның ішінде:
Лиссабон конвенциясы мен Болон декларациясын іске асыруға, әлемдік білім беру кеңістігіне ықпал­дасуға араласу;
ҚР Білім және ғылым министрлігінің баспа қыз­метіне берген лицензиясы негізінде оқу және оқу-әдістемелік оқулықтарды басып шы­ғару және қайта басып шығару, шетел оқулық­тарын мемлекеттік тілге аудару және басып шығару;
Республикалық жоғары оқу орындары аралық электрондық кітапхананың мақсаты бірыңғай ақ­параттық жүйеде республикадағы электрондық білім беру ресурстарын біріктіру;
Қазақстандық студенттік сәйкестендіру картасын (ҚСАК) ҚР жоғары оқу орындарына ендіру сияқты жобаларға басымдық берілуде.