Жолдасым жұмыс істемесе, одан алиментті қалай өндіремін?
-Егер ажырасып кеткен жолдасым жұмыс істемейтін болса, алимент көлемі орташа жалақының есебінде төлене ме, жалақының ең төменгі деңгейі есепке алына ма?
Айзада, Солтүстік Қазақстан облысы
ҚР «Неке және отбасы туралы» кодексінің 169-бабының 3-тармағына сәйкес, кәмелеттік жасқа толмаған балалар үшін төленетін алимент борышкердің сот орындаушысының шешімімен белгіленеді. Онда сот орындаушысы алиментке борышкердің жалақысынан бөлек табыстарын да есептейді. Сот орындаушысы оның төленбеген уақыттағы қарыздарын төлеуді міндеттейді. Алимент төлеуге міндетті азамат аралықта жұмыс істемеген кезі болса, сондай-ақ оны растайтын тиісті құжаттар ұсынылып жатса, ондай жағдайда бұл кезеңдегі төлем еліміздегі ең төменгі айлық жалақы есебімен есептеледі. Осы төменгі жалақының төрттен бір бөлігі әр балаға алимент ретінде берілуі тиіс.
