«Жол картасы» деген не?
Кейінгі кезде «жол картасы» деген бағдарлама туралы көп естіп жүрмін. Осы бағдарлама жайлы білгім келеді. Жалпы, бұл атау қандай мағына береді?
Арман БАЯХМЕТҰЛЫ, Шығыс Қазақстан облысы
«Жол картасы» – америкалық мәдениеттен енген атау. Ағылшын тілінде Road map, яғни бұл ұғымның мағынасы «алдыға қалай жүру керек екенін айқындайтын жоспар» дегенге саяды. «Жол картасы» бағдарламасы Қазақстанда пайда болған жоқ. Бұл жоспар палестин-израиль қақтығысын реттеу жолында БҰҰ-ның қабылдаған шараларының бірі. Ал еліміздегі «Жол картасы» – Қазақстанның дағдарысқа қарсы қабылдаған жоспарының атауы. Бұл бағдарлама, негізінен, аймақтардағы әлеуметтік мәселелерді шешуге бағытталған. Жұмыссыздыққа қарсы күрес, маман-кадрларды даярлау сияқты күрделі міндеттерді реттейді. «Жол картасы» аясында Үкіметтен барлық салаға қаржы бөлінген. Және республиканың алыс аудандары мен елді мекендерін түгелдей қамтуы тиіс.
