Жинаққа қай ертегілер енген?

Қазақ ертегілерінің DVD жинағы жарыққа шыққан көрінеді. Жинаққа қанша ертегі енгізілген?
Айбек НҰРЫМЖАН, Қапшағай
«Алдар Көсенің көңілді оқиғалары» мульт­филь­мінің 85 сериясы, әлем халықтары ертегі­лерінің же­лісімен жасалған «Бізді қоршаған әлем» атты 50 слайд-шоу, 1000 сөзден тұра­тын, орысша-қазақ­ша, ил­люстрациялық ау­дио­сөз­дік, мұның бәрі – ани­маторлар Артур жә­не Игорь Краус шы­ғар­ма­шы­лы­ғының жемі­сі. Бірінші ке­зекте мектепке де­йінгі бүл­дір­шін­дерге арнал­ған бұл жинақты ойын-сауықтық әрі танымдық дү­ние деуге болады. Оның кө­ме­гімен балалар қа­зақ тілін де жеңіл үйрене алады. Анима­циялық ке­йіпкерлер тілді мең­геруге, сөзді дұрыс ай­тып жат­тығуға көмекте­сумен қатар, баланың жадын да жақсартады.
Қазіргі уақытта Артур мен Игорь Краус өзге де әріптестерімен бірге, қазақ эпостарының негізінде компьютер ойынын дайындау үстін­де. Бұл жобада жаңа технологиялар пайдала­ны­лады. Көрермен­дер дастанды тек тамаша­лап қана қоймайды, оның ке­йіп­керлерін бас­қара да алады. Яғни бұл – жай мультфильм ға­на емес, нағыз ойын бол­мақ. Бұл рет­те, ең әуе­лі Қобы­ланды батыр, Ер Тар­ғын, Қыз Жі­бек, Алпамыс батырларға «жан бітіру» көзде­лу­де. Шы­ғар­машылық топ жаңа ке­йіп­кер­лерінің тағдыры да Алдар Көсенікіндей сәтті боларына сенімді.