Жетім балаға керек жеті анықтама

Ата-анасынан айырылған балаларға тиісті жәрдемақы алу үшін қандай құжаттар керек және бұл іспен қай орган айналысады?
Сағат Сындарбеков, Қызылорда облысы
Ата-анасының екеуiнен де айырылған ба­ла­ларға жәрдемақы олардың заңды өкi­лiне, яғни асырап алушысына тағайын­далып,  төле­недi.
Бұл жәрдемақыға құқығы бар азаматтар талап етілген құжаттарымен  қоса, тұрғылықты жері бойынша мемлекеттік зейнетақы төлеу орталығына өтініш берулері  қажет.
Жәрдемақы тағайындау үшін талап етіле­тін құжаттар тізімі төмендегідей:
1) жеке басын куәландыратын құжаттың көшiр­месi;
2) тұрақты тұратын жерi бойынша тiркел­ге­нiн растайтын құжат;
3) зейнетақы мен жәрдемақы беру жө­нiн­дегi өкiлеттi ұйымдағы банктiк шотының нөмiрi туралы мәлiметтер;   
4) асыраушысының қайтыс болғаны тура­лы куәлiгінiң көшiрмесi;
5) қайтыс болған адаммен туыстық қаты­нас­тарын растайтын құжаттың көшiрмесi;
6) қамқоршылықты (қорғаншылықты) рас­тайтын құжаттың көшiрмесi;
7) 18 бен 23 жас аралығындағы бала­лар­ға күндiзгi оқу бөлiмiнiң оқушылары болып табылатыны туралы оқу орнының  анық­та­масы.