Зейнеткер жұмыс істеуге құқылы ма?

Мен жалғызбасты зейнеткермін. Зейнетақым аз болған­дық­тан, ауыл әкімдігінде күзетші болып жұмыс істеймін. Бірақ ме­нің орныма үш жетім баланы асырап отырған бір ауыл азаматы та­ласып, үстімнен шағым жазып жүр. Ол: «Сен зей­нет­ақы алып отыр­сың, сондықтан жұмыс орнын босатуың ке­рек, мен үш же­тімді асырап отырмын», – дейді. Осы орайда менің білгім кел­ге­ні, менің зейнеткер екенімді алға тартып, ме­ні жұмыстан бо­са­туы мүмкін бе? Мен зейнетақы алсам, ол үш балаға асы­раушысынан айырылу бойынша жәрдемақы алып отыр ғой.
Ақтолқын КУСЕГЕНОВА
Заңгер маманның айтуына қа­ра­ғанда, қыз­мет­кердің зейнет жа­сында екендігі оның жұмыстан бо­сатуға негіз бола алмайды. Алай­­да жұмыс беруші қыз­мет­кер­мен арадағы ең­бек ке­лі­сім­шар­тының мер­зімі аяқталған соң, одан әрі еңбек келісім­шар­тын ұзарт­­­пауға құ­қы­лы. Бірақ мұндай жағ­дайда жұмыс бе­руші қыз­­мет­кермен арадағы келі­сім­шарттың тоқ­та­тылатыны туралы жазбаша түр­де бір ай бұрын ескертуі шарт.
Сондықтан сіздің жағда­йы­ңызда жұмыс беруші еңбек шар­тының мерзімі аяқталмай тұрып сізді жұ­мыстан босататын болса, онда еңбек құқығыңыз бұ­зыл­­­ға­ны туралы тұр­ғы­лықты жайыңыз бо­­йынша ең­бек инспек­ция­сына не­­месе сотқа жүгінуіңізге болады.