Зейнетақы қорындағы ақшаны зейнет жасына жетпей алуға бола ма?

Қандай жағдайларда зейнет жасына жетпей тұрып зейнетақы жинақтау қорындағы ақшаны алуға болады?
Бақытбек ТАУАСҚАНОВ, Ақмола облысы
«Қазақстан Республикасында зейнетақымен қамсыздандыру туралы» Заңның 23-бабына сәйкес:
1) осы Заңның 9-бабының 1-3-тар­мақ­та­рын­да көзделген жағдайлар басталғанда; (Төтенше және барынша радиациялық қатерлi өңiр­лерде 1949 жылғы 29 тамыздан 1963 жылғы 5 шiлдеге дейiн кемiнде 10 жыл тұрған азаматтар Қазақстан Республикасы «Семей ядро­­лық сынақ полигонындағы ядролық сынақ­­тар­дың салдарынан зардап шеккен аза­маттарды әлеуметтiк қорғау туралы» Заңына сәйкес:
еркектер – жалпы жұмыс стажы 25 жылдан кем болмаған жағдайда, 50 жасқа жеткенде;
әйелдер – жалпы стажы 20 жылдан кем бол­­ма­ған жағдайда, 45 жасқа жеткенде зейнетақы тағайындалуына құқылы);
2) 55 жасқа толғанда және жинақталған зей­нет­ақы қаражаты ең төмен зейнетақы мөл­ше­рiнен кем емес төлемдi қамтамасыз ету үшiн жеткiлiктi болғанда;
3) егер мүгедектiгi мерзiмсiз белгiленсе, бiрiн­­шi және екiншi топтағы мүгедектердiң;
4) осы Заңның 60-бабының 1-тармағында аталғандардың (әскери қызметшiлердiң (мер­зiмдi қызмет атқаратын әскери қызметшiлердi қос­пағанда), арнаулы мемлекеттiк және құқық қорғау органдарының арнаулы атақтар, сы­нып­тық шендер берiлген қызметкерлерiнiң, сон­дай-ақ арнаулы атақтар, сыныптық шендер алу және нысанды киiм киiп жүру құқықтары 2012 жылғы 1 қаңтардан бастап жойылған адам­дардың);
5) Қазақстан Республикасынан тыс жер­лер­ге тұрақты тұруға кететiн немесе кеткен, кету ниетiн не­месе кету фактiсiн растайтын Қазақ­стан Рес­пуб­ликасының заңдарында белгiленген құ­жат­тарды табыс еткен шетелдiктер мен аза­мат­тығы жоқ адамдардың жинақтаушы зей­нет­ақы қор­ларынан мiндеттi зейнетақы жар­на­лары есебiнен зейнетақы төлемдерiн алуға құқығы бар.