Жазушы шығармаларымен танысқым келеді

Мен Баққожа Мұқаидың «Жалғыз жаяу», «Өмірзая» атты кітаптарымен ғана таныс екенмін. Тағы да қандай шығармалары бар?
Марина Әтейбек, Алматы облысы
Жазушының «Өмірзая», «Жалғыз жаяу­дан» басқа бірнеше шығармалары жарық көрген. Яғни «Жаңбыр жауып тұр», «Өмір арнасы», «Аққу сазы», «Ма­за­сыз маусым», «Дүние кезек», «Тоят түні», «Алғашқы ма­хаб­бат», «Жеті желі», «Ертегідей ертеңім» атты прозалық кітаптары бар. Өмірінің соңына таман бес томдық шығармалар жинағы жарық көрген. Жазушының бірқа­тар шығар­малары тәжік, қырғыз, белорус, якут, татар, башқұрт, орыс, өзбек, қарақал­пақ, түрікмен, корей тілдеріне де ауда­рылған. Орыс тілінде «Во­доворот», «Белая птица» атты кітаптары шықты. Ал «Иірім», «Қош бол, менің ертегім», «Сер­гел­дең болған серілер», «Өзгенің өмірі үшін», «Дүние кезек», «Замана­қыр», «Раушан гүлі», «Ерулік», «Тоят түні», «Өмірзая», «Тойы көп үй» сынды пьесалары еліміздегі театр сахна­ла­рында қойылып келеді.