Жазба тарихтың тарихы қашаннан басталады?

Жазба тарихтың ең алғашқы бастауында қандай тұлғалар тұрғанын білгім келеді.
Риза, Қаскелең қаласы
Ежелде тарихи әңгімелерді есіне сақтап, елге айтып отыратын тарихшы­лар болған. Қазақ халқы оларды ше­жі­решілер деп атаған. Десе де, сіз сұ­рап отырған жазба тарихтың негізін са­лу­шы ретінде б.з.б. 484-425 жыл­дары өмір сүрген ежелгі грек тарих­шысы, жиһанкезі Геродотты айтуға бо­лады. Ол алғаш болып «Тарих» атты еңбек жазды. Ал Шығыста тарихтың атасы ретінде Сыма Цянь аталады. Ол б.з.б. 145-86 жылдар аралығында өмір сүріп, 130 тараудан тұратын «Та­ри­хи жазбаларды» («Ши цзи») қал­дырды. Мұнымен қоса, бұл тұлғалар­дың сапына көне замандардан бастап, ортағасырлық моңғол хандықтарына дейінгі тарихты жазып қалдырған та­рихшылардың бірі Рашид ад-Динді қосуға болады. Ол кісі 1247-1318 жыл­дар аралығында өмір сүріп «Жами ат-тауарих» («Жылнамалар жинағы») кітабын жазды. Бұл кітап Ұлы дала өр­кениетінің көшбасшылары Алаша хан, Уыз хан туралы аңыз-деректерден бас­талады.