Жасұлан Молдақараев – Бірінші лиганың үздік футболшысы

Футболдан Қазақстан Бірінші лигасының үздіктері анықталды деп естідім. Үздік футболшы кім болды екен?
Марғұлан ЖҮСІП, Қызылорда қаласы
Бірінші лиганың бас бапкерлері арасын­да сауалнама жүргізген Қазақстан кәсіпқой футбол лигасы 2013 жылғы Бірін­ші лиганың барлық лауреаттарын жарияла­ды.
Үздіктер тоғыз аталым бойынша анық­талды. Бір қызығы, бәрі де – «Қайсар» футбол­шылары. Ол түсінікті де. Биыл Қызылорданың командасы Бірінші лигада қарсылас шақ келтірмей, Премьер-лигаға бірінші орынмен жолдама алған. Ал коман­даның шабуылшысы Жасұлан Молдақараев бірден үш аталымды жеңіп алды. Биылғы біріншілікте 28 голмен көзге түсіп, сұрмер­гендер додасындағы басты бәсекелесі «қызылжарлық» Александр Згурадан 12 гол артық соққан Жасұлан үздік сұрмергеннен бөлек, біріншіліктің үздік шабуылшысы және үздік ойыншысы атанды. 

Бірінші лиганың үздіктері:
Үздік қақпашы: Кирилл Прядкин («Қайсар» Қызылорда)
Үздік қорғаушы: Серік Сағындықов («Қайсар» Қызылорда)
Үздік жартылай қорғаушы: Борут Семлер («Қайсар» Қызылорда)   
Үздік шабуылшы: Жасұлан Молдақа­раев («Қайсар» Қызылорда)
Үздік легионер: Борут Семлер  («Қай­сар» Қызылорда)                                        
Үздік жас футболшы (1994 жылға дейінгілер): Магамед Узденов («Қайсар» Қызылорда)
Үздік бапкер: Сергей Волгин  («Қайсар» Қызылорда)       
Үздік сұрмерген: Жасұлан Молдақа­раев («Қайсар» Қызылорда)  
Үздік футболшысы: Жасұлан Молда­қа­­раев («Қайсар» Қызылорда)