Жас ғалымдар кеңесінің міндеттері қандай?

Қазақстан Республикасы Тұңғыш Президентінің қоры жанынан құрылған жас ғалымдар кеңесінің мақсаттары мен міндеттері қандай?
Мәдина Кәрібаева, Ақмола облысы
Қазақстан Республикасы Тұңғыш Президентінің Қоры жа­нын­дағы жас ғалымдар кеңесі Мемлекет басшысы Н.Ә.На­зар­баевтың тапсырмасымен құрылған, қазақстандық жә­не ше­телдік ғалым­дармен, зерттеу мекемелерімен әре­кет­те­сіп жұмыс жасауға ба­ғыт­талған, мемлекеттің өзекті сұ­рақ­тарына арналған ғылы­ми-техникалық және иннова­ция­лық саясат­қа байланысты ұсы­ныс­тарды жүзеге асыратын орын болып табылады.
Жас ғалымдар кеңесіне физиктер, математиктер, химиктер, философтар, экономистер, филологтар, кеншілер кіреді. Бар­лығы – 25 адам, аймақтардан – бес адам.
Кеңестің негізгі мақсаты және міндеттері:
– Қазақстан Республикасының болашағын жобалау үде­рісін­дегі жас ғалымдардың басты ұстанымдарын қолдау және дамыту;
– қазақстандық жас ғалымдардың жеткен жетістіктерін насихаттау, олардың еңбектерін нарықтық қарым-қатынаста қолдануды арттыру;
– ғылыми конференциялар, симпозиумдар, семинарлар, көрмелер ұйымдастыру;
– жас ғалымдардың қатысуымен республикалық және аймақтық деңгейдегі ғылыми шаралар өткізу;
– ғылыми мектептерді сақтау және дамыту, ғылыми ұрпақтың сабақтастығы, Қазақстан Республикасының зиялылық әлеуетін өсіру;
– шетелдерде жұмыс жасайтын қазақстандық талантты жас ғалымдарды қолдау және елге тарту барысында жүйелік жұ­мыстар жүргізу.