Жарнаманың пошталық нұсқасы

Естуімше,  «Қазпошта» АҚ  тікелей пошталық жарнама, яғни  «Директ Мэйл» қызметін ұсы­­­натын көрінеді. Сол жайында толығырақ білгіміз келеді.  «Директ Мэйл» қызметінің мін­детіне не кіреді?
Алуа Марланқызы, Павлодар қаласы
Расында да, міне, бірнеше жыл бол­ды   «Қазпошта» АҚ пошталық тасымал нарығын­да ме­­кенжайларға жар­намалық материалдарды та­ра­туда, яғни, оқыр­ман айтпақшы, «Директ мэйл»  қыз­метін ұсынып ке­леді. Мұндай қызмет түрі «Ди­рект маркетинг» бағыты бо­йынша жүзеге асады.
Жарнамалық материал пошта жөнелтілімдері (хат­тар, бандерольдар және басқа) түрінде тара­ты­лып, көрсетілген мекенжайдың пошта жәшігіне салы­нады. Сондай-ақ адамдарға тікелей тап­сы­рылады. Атал­мыш қызмет мерзімдері және тарату тәр­тібі ке­лісімшартқа отырған «Қазпошта» мен  ком­пания­лар­дың  келісімдері негізінде жасалған.
«Қазпошта» АҚ  «Директ-мейл» қызметін көр­сету ая­сында басқа да қосымша қызмет көрсете ала­ды. Атап айтсақ:
– мекенжай көрсетілмеген  жарнамалық мате­риал­­дарды тарату;
– белгілі бір басылымға (журналға, газетке) қо­сым­­ша ретінде жарнамалық материалдарды та­рату;
– жарнамалық материалдарды пошта бө­лім­ше­лері арқылы тарату (пошта бөлімшелерінде пла­кат­тар, үнпарақтар тарату).