Жарамсыз көліктің бөлшектерін қалай сатуға болады?

Құрметті редакция, менің білгім келетіні – жол-көлік апатына ұшырап, жарамсыз болып қалған көліктің бөлшектерін сату үшін қандай құжаттамалар қажет?
Айбек, Алматы қаласы
Заңгерлердің айтуынша, жол-көлік апаты орын алған жағдайда жол сақшылары арнайы шақыру тобымен комиссия құрып, көлік­тің апаттан кейінгі жағдайына баға береді. Егер темір тұлпары­ңыз, шын мәнінде, жарамсыз күйде болса, қолыңызда жол поли­ция­сының арнаулы шешім қағазы болуы тиіс, егер болмаған жағдай­да бағалаушы кәсіпорын­дардың кө­­мегіне жүгініп, көліктің жарам­сыз­дығын растайтын құ­жат аласыз, соңынан көлік тіркел­ген аймақ бо­йынша салық орга­нына барып, көлік­ті есептен шығаруға міндет­тісіз. Көлік есептен шығарылған соң көліктің бөлшектерін сатуға толық құқы­ғыңыз бар. Айта кетер жайт  – егер сіздің қолыңызда кө­лік­тің жарамсыздығын растайтын құ­жат болмаса, көлік есептен шы­ға­рылмайды!