Жапонияның өз мемлекеттік елтаңбасы жоқ па?

Жапония елінің өз мемлекеттік елтаңбасы жоқ екені рас па?
Батырбек ҚАЙСАР, Жамбыл облысы
Иә, Жапония әлемдегі бірден-бір ресми елтаңбасы жоқ ел саналады. Жапон елінің шетелдік төлқұжаттарында Император үйінің символы іспетті сары немесе қызғылт-сары 16 жапырақшалы хризантема (бақытгүл) гүлінің суреті бейнеленеді. Ертеректе Қытайдан әке­лінген хризантема (бақытгүл) гүлі ба­қыт пен даналықтың, ақсүйектіктің сим­волы ретінде бағаланады.
Камакура билеушісі Готоба-ин деген император (1183-1198) хризантема гүл­дерін ерекше жақсы көріп, оның сурет­терін өзінің мөрлерінде қол­данған. Осы дәстүрді кейінгі императорлар да жалғастырып, хризантема императорлық отбасылардың эмблемасына айналған. 1869 жылдан бастап Мэйдзи үкіметінің жарлығымен 16 жапырақшалы хризантема ресми түрде император үйінің елтаңбасы болып бекітілді. 1871 жылдан бастап им­ператор әулетінен өзгелерге хризантеманы мөр ретінде қолдануға ты­йым салынған. Екінші дүниежүзілік со­ғыстан кейін бұл тыйым алынып тас­тал­ды. Императорлық әулеттің әр­бір мүшесінде өзіндік моди­фи­ка­ция­ланған хризантема бейнеленген мөр­дің нұсқасы бар. Қазіргі кезде бұл сим­воликалық сурет Жапония пар­ла­мен­тінің ғимараттарында, дип­ло­ма­тия­лық мекемелерде, шетелдік төл­құжат мұқабасында қолданылып жүр.