Жапония елі неше аралда орналасқан?

Бұл елде императордың билігі жүре ме?
Нұрай Тұрарбекқызы, Ақтөбе қаласы
Әлемдік электронды энциклопедия деректері бойынша «Таң шапағы елі» атанып кеткен Жапония – Шығыс Азия жағалауларына жа­қын маңдағы Тынық мұхит аралдарында ор­на­ласқан мемлекет. Бұл ел төрт мыңға жуық ар­ал­дардан тұрады. Олардың ең үлкендері: Хок­кайдо, Хонсю, Сикоку, Кюсю аралдары. Әкім­шілік жағынан 47 префектураға бөлінеді. Жа­пония — бір ұлтты ел, себебі халқының 99,4 па­йызы — жапондар. Бұдан басқа қытайлар, кәрістер, америкалықтар тұрады. Бірақ олар өте аз.
Жерінің көп бөлігі таулы-қыратты болып келеді. Неғұрлым ірі таулары: Хидака мен Ки­та­ми (Хоккайдо аралында), Оу, Этиго, Хида, Ки­со, Аканси (Хонсю аралында). Бұл таулар­да сөнбеген жанартаулар әлі де көп. Ең белгілісі — Хонсю аралындағы 3776 м биіктікте ор­на­лас­қан Фудзияма жанартауы. Елде жиі-жиі жер сілкіністері болады және мұхит жаға­лау­ла­рында цунами желі үнемі соғады.
Мұндағы ресми тіл — жапон тілі. Негізгі дін­дері — синто және будда діндері. Жапония — кон­ституциялы монархияны сақтаған ел. Ал жа­пон императоры қазіргі конституциялары бо­йынша ол тек «мемлекет пен халық бірлігінің сим­волы» болып табылады. Император әулеті мем­лекеттің қамқорлығында болады.