«Халық сөзі» халық әндерін насихаттайды

«Астанада шығатын «Халық сөзі» газеті халық әндерінің концертін өткізеді» деп естідім. Шара қай жерде және қашан өтеді?
Самал, Алматы
Республикалық «Халық сөзі» газетінің жарық көргеніне үсті­міздегі жылдың маусым айында бір жыл толды. Осы орайда өздерінің бір жылдық мерекесін атап өту аясында халық сөзін сөйлеуге ұмтылған басылым Қазақ радиосымен бірлесіп, Алматы қаласындағы Концерт залында «Халық әндері» қайы­рым­дылық акция-концертін  ұйы­м­дастырмақ. Бұл мәдени шара­ның мақсаты – көпбалалы ана­лар мен мүмкіндігі шектеулі жан­дардың ақпараттық және қоғамдық белсенділігін арттыру, халық әндерін бүгінгі ұрпаққа кеңінен насихаттау және бұқара­лық ақпарат құралдары арқылы осы әлеуметтік топтың мәселе­ле­ріне қоғамның назарын ау­дарту.
Бағдарлама шеңберінде көп­­балалы аналар мен мүмкін­дігі шектеулі жандарды «Халық сөзі» газетіне тегін жаздыру, де­меу­ші­лерді насихаттау, театрлық қойы­лымдар, көрермендерге арнал­ған лотореялық ойындар жүр­гізіледі. Концерттік шараға Ра­ма­зан Стамғазиев, Сәуле Жан­пейі­сова, Саят Медеуов, Тоқ­тар Сері­­­ков, Жұбаныш Жек­сенұлы сынды елімізге белгілі өнер жұл­дыздары қатысады. Қайырымды­лық кеші 22 маусым күні кешкі сағат 18.00-де басталады.