Вотум деген не?

Бұқаралық ақпарат құралдарында вотум деген сөз жиі қолданылады. Осы вотум сөзінің мағынасы қандай?
Зәуірбек АЙДАХАН, Алматы
Вотум – (лат. – тілек, серт, уәде, ант) – дауыс беру арқылы білдірілген ше­шім. Парламенттің дауыс арқылы Үкі­меттің жалпы саясатын немесе жеке министрдің әрекетін қуаттауы (сенім білдіру вотумы) не қуаттамауы (сенім білдірмеу вотумы). Үкімет Парламенттен өзінің бағдарламалары мен декларациясына және кейбір нақты заң жобаларын талқылауға байланысты сенім білдіру вотумын сұрай алады. Әдетте сенім білдіру вотумы Үкіметтің беделін арттырып, саясаттың тұрақтылығын қам­тамасыз ету үшін пайдаланылады. Вотум: 1) мұның негізгі жүзеге асырылу принципі Үкіметтің Парламент ал­дын­дағы жауапкершілігі; 2) Парламент жи­налысында дауысқа қойылып, қа­был алынған тоқтам шешім, қарар; 3) Үкі­меттің немесе министрдің қыз­ме­тін қабылдау; 4) Парламенттегі да­уыс­қа салу бойынша Үкіметтің немесе министрдің қызметін қабылдамау. Сенім вотумы – қайта құрылған Үкімет өз бағ­дарламасын Парламент алдында жария етіп, сенімін алу.