Википедия-энциклопедия деген не?

Сонау көне замандардан бастап бүгінге дейін энциклопедияның түр-түрі шыққаны белгілі. Менің білгім келетіні, бүгінде жиі айтылатын «Википедия-энциклопедия» деген не?
Жансая АСЛАНҚЫЗЫ, Алматы

Иә, дұрыс айтасыз, алғашқы энциклопедия ежелгі Египетте пайда болып,  уақыт  өте  келе о­­ның түр-түрі шығып, бүкіл адам­зат керегін осы кітаптан іздейтіндей анықтамалыққа ай­налды. Ал бүгінде техноло­гия­ның дамы­ған заманында Ин­тер­нетті пайда­ла­нушылар өзіне қажетті деректі Википедия-эн­циклопедиясынан табады. Со­нымен Википедия де­ге­німіз – жалпыға қолже­тім­ді, көптілді, әмбебап эн­цик­ло­педия. Бірақ мұның бас­қа энциклопедиялардан айыр­машылығы, бұл қалың кітап түрінде емес, интернеттегі сайт түрінде қажет дерегіңізді табуға көмектеседі. Яғни «вики» сайтты қалыптастыру технологиясы де­ген мағынаны білдіреді. Бү­гін­де википедия тақырыптық жағы­­нан адамзат тарихындағы ең ірі және ең  танымал  интернет анықта­ма­лық болып саналады. Википедияның негізін 2001 жыл­дың қаңтарында Джими Уэйл­сом және Сэнгером де­ген адамдар қалаған. Вики­пе­дияға дүниежүзі­нің төрт бұ­ры­шынан жиналған мил­лион­даған материалдар, ма­қа­лалар жинақталады. Мұнда­ғы материалдарға сайтты қол­данатын кез келген адам өз еркімен түзету енгізе алады.