Валюта конвертациясы тәуекелі деген не?

Интернеттен «Standard and Poor’s агенттігі ұзақ мерзімді кредиттік рейтингтерін бұрынғы қалпында қалдырды» деген ақпарат оқыдым. Соның ішінде қазақстандық суверенді емес қарызгерлер үшін валюта аудару және конвертациялау тәуекелі дегенді түсінбедім.
Мират Әбілов, Астана
Расында да, мамыр айында Stan­dard and Poor’s агенттігі қазақ­стандық суверенді емес қарызгерлер үшін валюта аудару жә­не кон­вер­тациялау тәуекелін бағалау рей­тин­гін «ВВВ» деңгейінде қалдырды. Бұл көрсеткіш қазақстандық компания­лардың шетелден алған борышын қайтару ықти­малдығын көрсетеді. Өйткені сыртқы қа­рыз­дар доллар немесе евро түрінде төле­нетіндіктен, оған айырбас бағамы тікелей әсер етеді. Қазір айырбас бағамы 1 долларға 150 теңге дең­гейінде тұрақтағаны бел­гілі. Дол­лар пози­ция­сы мығым болып тұрған кез­де Ұлттық банк валюталық интервенциялар ке­зінде теңге са­тып алатын. Енді теңге ны­ғайып, Ұлттық банк доллар сатып ала бас­таған. Stan­dard and Poor’s агенттігі өкілдері осы ерекшеліктерді ес­керген болуы керек, ва­люта айырбасына бай­ланысты тәуекел немесе қандай да бір қауіп-қатер жоқ деген тұжырымға келген.