Ұжымдық шарт деген не?

Еңбек шарты мен ұжымдық шарттың айырмашылығы қандай?
Дариға ДАТХАНОВА, Қарағанда облысы
Еңбек және халықты әлеуметтік қорғау министрлігі сарапшы мамандарының мәлі­метінше, ҚР Еңбек кодексінің 1-ба­бы­ның 1-тармағы, 39-тармақшасына сәйкес, еңбек шарты қызметкер мен жұмыс беру­шінің ара­сындағы жазбаша келісім болып та­былады. Бұған сәйкес, қызметкер белгілі бір жұмысты (еңбек функциясын) жеке өзі орындауға, еңбек тәртіптемесінің ереже­лерін сақтауға мін­деттенеді. Ал жұмыс беруші қызмет­керге келісілген еңбек функ­циясы бойын­ша жұмыс беруге, осы Ко­дексте, Қазақстан Рес­пуб­ликасының заң­дары мен өзге де нормативтік-құ­қықтық актілерінде, ұжым­дық шартта, жұмыс берушінің акті­лерінде көзделген еңбек жағдайын қамтамасыз етуге, қыз­меткерге уақтылы және толық мөлшерде жалақы төлеуге міндеттенеді. Жоғарыда аталған баптың 1-тармағы, 78-тармақ­шасына сәй­кес, ұжым­дық шарт – ұйым­дағы әлеуметтік-еңбек қатынастарын реттейтін, қызмет­керлер ұжы­мы мен жұ­мыс берушінің ара­­сындағы жазбаша келі­сім нысанындағы құқықтық акті. Яғни еңбек шарты жұмыс беруші мен нақты бір қызметкер арасында жасалса, ұжымдық шарт – мекеменің не­месе кәсіпорынның ұжымы мен жұмыс беруші арасында жаса­латын келісім.