«Үш Татьяна» туралы білгім келеді

Алматыда «Үш Татьянаның» концерті өтеді деп естіп едім. Осы жөнінде қысқаша, нақты ақпарат берсеңіздер?
Айдана Дүйсәліқызы, Ақтөбе облысы
Ертең 5 маусым күні кешкі сағат 19.00-де Ал­матыдағы Республика сарайында қа­зақ ән өнерінде өз дауыстарымен ерек­ше­ле­­ніп жүр­ген «Үш Татьяна» – Татьяна Пол­­тавская, Татьяна Бурмистрова  және Та­тья­на Мартыненко сынды талантты ән­ші­лер­­дің бірлескен шығармашылық ән кеші өте­ді. Тоқсаныншы жылдардан бері үлкен сах­­налар мен эфирлерден көрінбей кеткен үш ару араға 30 жыл салып өнерге қайта ора­­лып отыр. Өткен ғасырдың 70-80-жыл­дары қазақ әндерін тамылжыта орын­дайтын үш өнерпаздың есімі кезіндегі Кеңестер Ода­ғына өте танымал болды.
Қазақ әнін әуелетіп, домбырада шебер ой­­найтын «Үш Татьянаның» концертін «КТК» телеарнасы ұйымдастыруда.
Қазіргі уақытта Татьяна Бурмистрова – қа­зақ өнерін дәріптейтін ұлттық орталықтың же­тек­шісі, Татьяна Полтавская Ресейде му­зы­ка са­ласының ұстазы қызметін атқаруда. Татьяна Мар­тыненко болса қазақтың ке­ліні, үш ба­ла­ның анасы, балабақша мең­ге­ру­шісі қызметінде.