Үкі ненің белгісі?

Ресейдің «Что, где, когда?» интеллектуалдық ойынында жылдың ең үздік ойыншысына, ең білікті де білгіріне хрустальдан жасалған үкі береді. Сондай-ақ «Зерде» қоғамдық қорының да белгісі – үкі. Осы үкі нені білдіреді?
Айғаным Елдосқызы, Қарағанды.
Үкі – ежелгі грек құдайларының бірі Афинаның атрибуты болумен қа­тар, даналықтың да нышаны. Қара түн­ді қақ жаратын өткір жа­нарының арқасында  ол бір орнында тапжылмай отырып та көзге түрт­се көргісіз қою қараңғылық құша­ғында жүйткіген аңнан жорғалаған тышқанға дейін қалт жібермейтін қырағы
Дыбыс шығармай ұшатынына, жанып тұратын көздеріне, кенеттен пайда болатынына қарап, осы бір құсты ажалмен байланыстыратын да көзқарас бар. Мәселен, ежелгі Египетте, Үндістанда, Қытай мен Жапонияда үкі «өлім құсы» са­налған. Үнділердің сенімі бойынша, үкі – түн патшасы әрі қайтыс болғандардың жанын о дүниенің табалдырығына де­йін шығарып салушы. Одан ер­теректе ол қараңғылықтан, қара күш­тер­ден қорықпай, көп­шілік үшін құ­пия саналатын сыр­лардың кілті саналған.
Ал үкінің бүгінгідей даналық, тереңдік, кітапқұмарлық сим­во­лы саналуы Афина аңыз-әпса­наларынан бастау алады. Қазақта үкі­нің қауырсыны пәле-жаладан сақтайды деген сенім бар.