Тың ардагерлеріне қандай әлеуметтік жеңілдіктер бар?

Ұлы Отан соғысы ардагерлеріне теңестірілген тыл ардагерлеріне Үкімет тарапынан нақты қандай әлеуметтік жеңілдіктер бар?
Карим ЖҰМАБАЙҰЛЫ, Алматы қаласы

Алматы қалалық жұмыспен қамту басқармасы­ның әлеуметтік бағдарламалар бөлімінің бас мама­ны, Алмагүл Ахметова:
– Алматы қалалық жұмыспен қамту және әлеу­мет­тік бағдарламалар басқармасында «ІІ сайланған Ал­маты қалалық мәслихатының 2003 жылғы 16 қыр­күйектегі ХХVII сессиясының «Алматы қаласындағы тұр­ғын үй көмегінің көлемі және көрсету тәртібі туралы Ере­жесін бекіту жөніндегі» шешіміне сәйкес, Ұлы Отан соғысының қатысушылары мен мүгедектеріне, сонымен қатар оларға теңестірілген тұлғаларға, әс­ке­ри қызметкерлердің отбасына (ата-анасының біреуіне, қайта некеге тұрмаған жұбайына), Ауғанстандағы соғыс қимылдары кезеңінде ауырған, жарымжан болған, жарақат, зақым салдарынан қайтыс болған немесе қаза болғандарға (із-түзсіз жоғалғандарға), Ұлы Отан соғысында қайтыс болған жауынгерлердің же­сірлеріне, 1986 жылғы желтоқсан оқиғасына қа­тысып, ақталған және қазіргі таңда Алматы қаласында тұ­ратын азаматтарға отбасының жиынтық табысы есеп­ке алынбастан ай сайын бір адам басына 2552 тең­ге көлемінде тұрғын үй көмегі төленеді.
Аталған азаматтарға тұрғын үй көмегін тағайындау, азаматтардың тұрғылықты мекенжайы бойынша ау­дандық жұмыспен қамту және әлеуметтік бағ­дар­ламалар бөлімдерінде жүргізіледі.