Тыйым салынған террористік ұйымдар

Қазір әлемде сан түрлі діни-экстремистік, террористік секталар көбейіп кетті. Біздің елімізде қан­дай экстремистік ұйымдардың жұмысына тыйым салынған?
Жеңісбек РЫСМАМБЕТ, Қызылорда облысы
Жоғарғы сот шешімі бойынша Қазақстанда «Әл-Қаида», «Шығыс Түркістан ислам пар­тиясы», «Өзбекстан Ислам қозғалысы», «Күрд халық конгресі» террорлық ұйым болып танылды. Сондай-ақ экстремистік бағыттағы «Асбат әл-Ансар», «Мұсылман бауырлар», «Боз құрт», «Орталық Азия моджахедтер жама­ғаты», «Лашкар-и-Тайба», «Талибан», «Син­рике», «Шығыс Түркістанды азат ету ұйымы», «Азия мұсылмандары комитеті», «Ис­лам даму орталығы», «Хизб-ут Тахрир», «Таблиғи Жамағат» діни бірлестіктерінің қыз­метіне де шектеу қойылған. Қазақстан – ТМД және аймақтық қауіпсіздікке жауап бе­ре­тін ШЫҰ, ҰҚШҰ секілді ұйымдардың то­лыққанды мүшесі. Сондықтан ШЫҰ және ҰҚШҰ ұйым­дарының тіркеуінде экстремистік, террористік деп танылған діни ұйым өкіл­дерінің де ел аумағында насихат жүргізуге құ­қы жоқ. ҰҚШҰ тіркеуінде 31 діни-экстремистік ұйым аталады. Олардың қатарында «Нұршы­лар», «Салафия», «Ислам моджахеттерінің жи­­һат­шылар жамағаты» секілді тағы басқа көп­теген экстремистік ұйымдар аталады.