Түтіннен уланып қалмау үшін не істеу керек?

Жуырда жылыту маусымы басталады. Жыл сайын көгілдір отыны жоқ ауылдарда пештің ақауынан тұрғындардың ыстан улануы жиілейді. Өрт те көп болады. Осындай келеңсіздіктерді болдырмау үшін не істеу керек?
Айша ЖАЛҒАСБАЕВА, Ақмола облысы
Пешті, басқа да жылыту құралда­рын жылыту кезеңі алдында тексеріп, кез­дес­кен ақауларын жойып тұру қажет. Түтін шығатын құбырлар мен отын үш айда бір рет тазалап отырған жөн. Мұр­жалар мен пеш қабырғалары жиі  әкте­ліп тұруы тиіс. Пештің отын салына­тын жерінің алдындағы еденге өлшемі 50х70 см болатын металл қаңыл­тыр орнатылуы керек. От жағу­ды балаларға тапсырмау қажет. Жанып жатқан пешті қараусыз қалдырып, кетіп қалуға бол­май­ды. Пештің алдын­да жылдам тұтан­ғыш заттар болмауы керек. Отты тұтату үшін жанармайды қолдануға әсте бол­майды!