Мен Қазақстанның табиғаты көркем, тылсым сырларға толы сұлу жерлерін көргенді ұнатамын. Алматыда Тұйықсу деген қақпа бар деп естідім. Ол қандай қақпа екенін білуге бола ма?
Тұйықсу қақпасы – Кіші Алматы шатқалының орта деңгейіндегі (2800 м) мәңгі мұздықтар жолын бөгеп жатқан аса ірі құз-шыңдар тізбегі. Шығысында Абай шыңының сілемі жатыр, қасында «Тауда қайтыс болғандар» мемориалы, «Тұйықсу» тау лагері, Қарабұлақ сарқырамасы мен «Тұйықсу қақпасы» қонақжайы бар. Сіздің дархан даламыздың әсем, көрікті жерлеріне қызыққаныңыз бізді қуантады. Бұл сіздің туған жерге деген махаббатыңыздың көрінісі деп білеміз.