Транзиттік визаны қалай алуға болады?

Транзиттік виза қай кезде беріледі? Ресейден шығып, Қазақстаннан өтіп, ары қарай басқа мемлекетке бару керек болғанда түрліше виза алу керек пе?
Олжас Майланов, Астана қаласы
ҚР Сыртқы істер министрлігі мамандарының мәліметінше, Қазақстан жағдайында тран­зит­тік виза еліміздің аумағымен өткісі келетін, бірақ визасыз транзитке құқығы жоқ шетелдік азаматтар үшін беріледі. Бұл ви­за­ны алу үшін азаматтың жол жүру құжаттары, үшінші елге баруға рұқсат беретін куәліктері болуы керек. Транзиттік виза Қазақстан аумағынан өз авто­кө­лі­гімен өткісі келетін шетел­дік­терге де беріледі, ол үшін атал­ған құ­жат­тарға қоса, көлік жүр­гізу куәлігі мен көлік құралына қа­ты­сы туралы құжат­тары болуы шарт. Визаның бұл түрі ше­ка­ра­дан қанша мәрте өте­тініне қарай түрліше берілуі мүмкін. Тран­зит­тік визаны Қазақ­станның ше­тел­дегі кон­сулдықтары береді, ал өз елінде Қазақстан консулдығы ашыл­ма­ған шетел азаматтары Алматы, Астана, Ақтау, Атырау, Өскемен қалаларындағы халық­аралық әуежайларда орна­лас­қан кон­сул­дық тұрақтарға өтініш бере алады.