ТМД құру идеясы Беловеж келісімінен басталған ба?

КСРО-ның қайтадан қалыпқа келмейтінін әлемге мәлімдеген Беловеж келісімі жайлы білгім келеді. «Бұл келісім ТМД-ның құрылуына өзіндік ықпал етті» деген пікір қаншалықты орынды?
Күлпаш, Жезқазған қаласы
1991 жылғы тамыз бүлігі­нен кейін орталықтың билігі күн­нен-күнге әлсіреп, одақтас елдер­де саяси толқулар күшей­ді. Сол себепті де Минскінің ма­ңайын­дағы Беловеж орма­нын­да  Ресей, Украина, Беларусь Рес­публи­ка­ларының басшыла­ры Беловеж келісіміне қол қой­ды. Бұған жа­уап ретінде 1991 жылы 12 жел­тоқсанда Ашхабад қа­ласында Орталық Азия ре­с­публикалары президенттері (Қазақ­стан, Қыр­ғыз­стан, Өзбек­стан, Тәжікстан, Түрік­мен­стан) кездесу өткізіп, өзара одақтастық жөніндегі шарт­қа қол қойды және өзде­рі­н­ің Беловеж келісімімен толық ке­лісетіндіктерін мәлімдеді. Бұ­ған қоса олар Беловеж келісіміне қатысушы елдерге және басқа да бұрынғы одақтас республи­ка­ларға жаңа одақтық шарт жасасу жөнінде үндеу жолдады. Сол үндеу­дің нәтижесінде бұрын­ғы КСРО аумағында жаңа одақ – Тәуелсіз Мемлекеттер Дос­­тас­ты­ғы (ТМД) құрылды. Сол себеп­ті де ТМД құру идея­сына Беловеж ке­лісімінің ықпа­лы болғанын жоқ­қа шығара ал­маймыз.