«Титаник» су түбінде әлі жатыр ма?

«Титаник» атты әйгілі кинофильмге тарихтағы оқиғаның өзек болғанын білеміз. Алып кеме өткен ғасырдың бас жағында мұхитқа батып кеткен деседі. Ал осы кеменің қалдықтары қазір су астынан шығарылды ма?
Нұржан, Алматы қаласы
Ғаламтордағы энциклопедиялық мәлі­мет­тердің дерегі бойынша, «Титаник» қал­дық­тары Атлант мұхитының 3750 метр терең­дігінде әлі жатыр. Осы кезге дейін ол ғылыми-зерттеу нысанасына айналып үлгерді. Бірақ Севилья университетінің ға­лым­дары тарихи жәдігердің жыл өткен сайын құрып бара жатқанын айтады. Ма­мандардың айтуынша, 2017 жылға қарай кеме қалдықтары зерттеу жұмыстарына жа­рамсыз болып қалуы мүмкін. Металл құрас­тыр­маларды суасты жәндіктері мен түрлі бактериялар тоз-тоз етіп жатыр. Өткен ға­сыр­дың басында ағылшын компаниясы жасап шығарған «инженерлік ғажайып» өзінің алғашқы құрлықаралық тасымалын орындау кезінде айсбергке соқтығысып, апатқа ұшыраған болатын. Мұхит тра­ге­дия­сынан 1503 адам қаза тапты. Лайнер Кана­да жағалауынан 530 шақырым жерде қақ бөлініп қалды. Бірақ оның қалдығы ара­да 73 жыл өткенде әрең табылған болатын.