Тершеңдіктен қалай құтылуға болады?

Сәл қобалжысам бітті, демде қара терге түсемін. Бұдан құтылудың амалы бар ма?
Нұрғаным БЕРСІНБЕКОВА, Қызылорда қаласы

Мұның сыры – тер бездерінің эмоционалдық стресс салдарынан қанға шоғырланатын адреналин кон­центрацияларына ерекше сезімталды­ғында немесе мидың тер бездерінің қызметін реттеп отыратын арнайы вегетаивтік орталықтарының тұқым қуалаушылық арқылы берілетін қо­лай­сыздықтарында болуы ықтимал. Қалай дегенмен де, мұның нақты себебін невропатолог немесе дерма­толог маман ғана дәл анықтай ала­ды.
Сонымен бірге, тершеңдіктен ары­лу үшін өз тарапыңыздан да былай істеп көруіңізге болады, яғни  ең әуелі табиғи маталардан тігілген киімдерді ғана киюге тырысыңыз, тердің шама­дан тыс бөлінуіне ықпал ететін артық салмақтан арылыңыз, ішімдік­тен бойыңызды аулақ ұстаңыз, антипер­спи­ранттарды пайдалануға әуес бол­маңыз, пайдаланған жағдайда мүм­кін­дігінше, тез жуып тастап, дене те­рі­сінің демалуына мүмкіндік бері­ңіз.