Теңіз тұзы – денсаулық кепілі

Қазір теңізге бармай-ақ, теңіз тұзын аптекадан сатып алып, қолдануға болады. Теңіз тұзы қай аурулардың шипасы екенін жазсаңыздар деп едік.
Торғын, Астана қаласы
Теңіз тұзы теңіз суының булануы ке­зін­де алынады. Сондықтан емдік қа­сие­­тін бұзбайды. Ең пайдалы теңіз тұ­зы – Өлі теңіздің тұзы. Оның суында маг­ний, кальций, йод, темірдің көп мөл­шері бар. Теңіз тұзы ағзадағы шлакты шы­ғарады. Теріні құрғатпайды. Терінің жас әрі сергек қалпын сақтау үшін, аптасына 1-2 рет тұзды бұлау қабылдаған жөн. Теңіз тұ­зы­ның қан тазартатын қасиеті де бар. Мау­сымдық аллергияға шалдыққандар те­ңіз жағасында ала жаздай жата алмаса, тұзды бұлауда жатып, мұрнын тұзды сумен шайып отырса, жеңілдеп қалады. Аллергия кезіндегі көз қышуын суға сәл тұз салып, су астында көзді ашу арқылы басуға болады. Минералды тұздарға бай теңіз ауасы бронх демікпесіне, тұмауға жақсы. Тұздағы йод адамның интеллектуалдық қабілетін де арттырады. Қан қысымы төмен адамдар тұз қосылған су ішулеріне болады. Не болмаса, әр тамақтан соң, 1-2 грамм тұз жеңіз.  Тонзиллитіңіз болса, мұрынды тұз қосылған жылы сумен шайыңыз.