Тәуелсіз еліміздің тарихында әзірше 24 қаһарман бар

Қазақстанда «Халық Қаһарманы» деген мәртебеге ие болған адамдар нешеу? Егер мүмкін болса, олардың кім екенін білсек деп едік.
Еркін ШӘКІРҰЛЫ, Алматы қаласы

«Халық Қаһарманы» атағы – Қазақ­стан Рес­пуб­ликасындағы озат­тық белгісінің жоғарғы дәре­жесі. Ол «Алтын қыран» орденімен және Қазақ­станның Еңбек Ері ата­ғымен деңгейлес. Қа­һармандық атақ Қазақ­стан Республикасына іс­те­ген өлшеусіз қызметі мен бос­тан­дық пен тәуел­сіздік жолындағы азамат­тық және жауын­гер­лік ерлігі үшін беріледі. Бұл атаққа ие бол­ған­дар­ға «Алтын жұлдыз» бен «Отан» ордені де қоса табыс етіледі. Тәуелсіз елі­міздің тарихында осы қастерлі атақ­ты бүгінге дейін 24 қайраткердің ие­­лен­гені белгілі. Олар: Сағадат Нұр­мағамбетов, Ахат Күленов, Алек­сандр Христенко, Тоқтар Әубә­кіров, Тал­ғат Мұсабаев, Юрий Ма­лен­ченко, Қасым Қайсенов, Алек­сей Кулаков, Таипов Мур­дин, Мұх­­тар Әлиев, Аким Атмачиди, Шафик Чокин, Роза Бағ­ланова, Қайрат Рысқұлбеков, Нұр­ғиса Тілен­диев, Әзірбайжан Мәм­бетов, Ра­қым­жан Қошқарбаев, Хиуаз Дос­па­нова, Мәу­лен Қалмырза, Алек­­сандр Капорин, Мұхтар Алтын­баев, Азамат Жұмаділов, Бақытжан Ертаев.