«Тақиялы періште» қанша жаста?

Біз бала күнімізде, тіпті біздің әке-шешелеріміз бала күнінде көрген «Тақиялы періште» қай жылы түсірілген? Бейнекадрда қалған  Алматы маған қатты ұнайды, сол қай жылдар болғанын білгім келеді.
Қуан Садықов, Алматы облысы
Әлі қалаға келіп кірмек түгіл, алты қырдың астынан апорт­тың иісі аңқитын Алматы­ның сол келбетін, расында, қа­зақ киносының саңлағы Шәкен Ай­манов өзінің «Тақиялы пе­ріш­тесіне» керемет түсіріп кет­кен. Ол тек алматылықтар ғана емес, қазақ үшін баға жет­пес байлық болып қала бермек. Ал ол фильм 1968 жылы тү­сіріл­ген, яғни биыл аталған туын­дыға 45 жыл толды. Өкі­ніш­ке қарай, сол аралықта ара­мыздан Тана әжей – Әмина апамыз өмірден озды, ал Тайлақ ақ сақалды шал бол­ды.
Биыл Ш.Айманов атында­ғы «Қа­зақ­­фильм» АҚ 50 шақ­ты өнімнің мерейтойын той­ла­ғалы отыр. Бұл жай­лы «Қазақфильмнің» бас­па­­сөз қыз­меті хабарлады. Атал­ған фильмдер қата­рын­­да Аб­долла Қарсақ­баев­тың «Ме­нің атым Қожа» фильмі  бар, оған 50 жыл толса, ал ре­жис­сер Рашид Нұғ­манов­тың культті кино­фильмі­не 25 жыл то­лады екен. Сон­дай-ақ режиссер Талғат Те­менов­тің 90-жыл­дары, яғни Тәуелсіз­ді­гіміз­бен тұспа-тұс дүниеге кел­ген «Махаб­бат бекеті» ме­лодра­масына – 20 жыл.