Сынық тез біту үшін не істеу керек?
Анамның жасы 82-де. Тізесі ауырады, қан қысымы көтерілетіні бар. Таяуда тайып жығылып, қолын сындырып алды. Дәрі ішкенді ұната бермейді. Оның үстіне кейде дәріден денесіне аллергия қаптап кетеді. Менің білгім келгені – осы дерттердің қандай қазақи емдері бар екен?
Майра Салықжанова, Қостанай облысы
Сүйек сынса, сынық тез біту үшін жақсылап ұнтақталған жұмыртқа қабығын тамақ алдында 30 минут бұрын бір шай қасықтан жеу қажет. Қабықты ұнтақтамас бұрын оны ішкі бетіндегі пленкадан тазарту керек. Ұнтаққа бал және бірнеше тамшы лимон шырынын қосса, оның пайдасы мол.
Тізе қақсаса, тізеге түйежапырақ не қырыққабат жапырағын кезектестіріп басады: бір апта түйежапырақ бассаңыз, келесі аптада қырыққабат басасыз. Тізенің ауырғаны мүлде жойылғанша, бұл ем шарасын тоқтатпау керек.
Қан қысымыңыз ауытқыса, бір шай қасық алма сіркесуын бөлме температурасындағы бір құты суға салып араластырыңыз. Сусынды қотара ішіп салыңыз. Бұл қан қысымыңызды қалпына келтіреді.
