Шұжық та — жеңсік ас

Міне, қыс та келді, енді шама-шарқымызша соғым соямыз дегендей. Отау құрғаны­мызға көп уақыт өте қойған жоқ. Білмейтінім көп әлі. Соның бірі — шұжық айналдыру. Сіздердің көмектеріңізге жүгінуге тура келіп отыр.
Айгүл Доспанова, Астана
Шұжықты жылқы етінен де, сиыр етінен де жасауға болады. Шұжық дайындауға арналған ет әуелі салқын жерде шамалы тоңазытылады. Шұжыққа арналған ішек те әуелі тұздалып және тұзды суға салынып қойылады. Шұжық үшін мойын еттен басқа, сан, қол, жон еттер алынады. Ет пен майды өте майдаламай турау керек. Сосын оны үлкен ыдысқа салып, үстіне майдалап туралған сарымсақ, тұз, бұрыш қо­сып аралас­тыру керек. Содан кейін ішекке бір ет, бір майдан кезектестіріп салынады. Ішектің екі ұшын жіппен байлап немесе іскекпен түй­реп, бес-алты сағат уақыт іліп қойып барып сал­қын жерге қою қажет. Шұжықты ыстауға да болады. Шұжық дайындау үшін: 5 кг ет, 5 кг іш май, 50 гр сарым­сақ, 350 гр тұз, 10 гр қара бұ­рыш қажет. Шұ­жық­ты шым-шым жылы суда пісірген дұрыс. Бір қайнаған соң ішек жарылып кетпес үшін әр же­рі­н­ен піспекпен тесіп қою керек. Піскен шұжықты турағанда қиқаланып кетпес үшін әуелі сал­қындатыңқырап алып қана өткір пышақпен жұ­қалап тураған жөн болады.