Шудан құлағымыз шуылдайтын болды

Мен көпқабатты үйде тұрамын. Жуырда үйдің бірінші қабатынан мейрамхана ашылды. Түнімен даңғырлақ әуендерімен басты ауыртады. Ішімдікке тойып алған клиенттері де шулап құлағымыздың түбін жейді. Қазір айқай-шудан құлағымыз шуылдайтын болып жүр. Осыған қатысты уәжімізге ешкім құлақ асатын емес. Не істеуге болады?
Сәбира Төлегенқызы, Алматы қаласы
Меншік иелерінің әрекеттері Қазақстан Республикасы Әкімшілік құқық бұзушылық туралы кодексі­нің нормаларына қайшы келеді. Себебі мейрамхана иелері түнгі сағат 23.00-ден кейін көршілері­не, айналадағы тұрғындарға кедергі келтірмеуі керек. Олардың музыка дауысын айқайлатып қоюы да заңға қайшы. Егер тұрғындар талабына құлақ аспаса, мейрамхана қожайыны үстінен жергілікті прокуратура органына шағым­даныңыз. Арызда учаске­лік полицейге де шара көрсетілуі жайлы жазуды ұмытпаңыз.