Суда жүзуді кез келген жаста үйренуге болады

Жас шағымда жүзуді үйренбеп едім, сол қателігімді енді жоюға тура келіп отыр. Қазір 40 жасқа келіп қалдым. Осы жасымда жүзуді үйрене аламын ба? Жүзу барысында қандай шарттарды сақтау керек?
Алмас Сағындықов, Алматы қаласы
Суда жүзе білген кез келген адам үшін де өте пайдалы. Жүзумен бар­лық жастағы адамдар айналыса алады. Сондай-ақ жүзуді кез келген жаста үйренуге болады. Суда жүз­ген­де мына жағдайларды есте сақтаңыз:
* Суға түспес бұрын себезгімен шайынып, жеңіл жаттығу жасаңыз – 2-3 минуттай орныңызда жүгіріңіз, қолыңызды иығыңызға қойып, шеңбер жасап айналдырыңыз, оты­рып тұрыңыз, басыңызды айнал­дырыңыз. Осылайша бұлшық етте­ріңізді қыздырып, жүрек-тамыр жүйесін жұмысқа дайындайсыз.
* Тыныс алуға жаттығыңыз: ауыз­бен дем алып, оны мұрынмен шығарыңыз. Сонда жүзу кезінде тез шаршамайсыз.
* Суға түскеннен кейін тақтай­шамен жүзіңіз. Ұялмаңыз, бұл аяқ­та­рыңыздың бұлшық еттерін қыз­дыру үшін қажет.
* Баяу, бірақ ырғақты үнемі сақ­тай отырып, тоқтаусыз жүзген жақ­сы.
* Салмақ бұлшық еттің барлық топтарына тү­сетіндей етіп жүзу стилін ауыстырып отыры­ңыз.
* Жүзуді жаңадан бастасаңыз, алғашқы жаттығуды 20 минут жаса­ңыз. Егер одан аз болса – тиімділігі шамалы. Жүзумен аптасына үш рет айналыссаңыз жеткілікті.